Медицинæй къабазы ногдзинæдтыл сæрмагонд конференцийы æрдзырдтой дохтыртæ

Медицинæйы къабазы райрæзт æмæ низы ныхмæ тох кæнынæн цавæр ногдзинæдтæ фæзынд? Ацы æмæ æндæр хъуыддæгты тыххæй ныхас кодтой терапевтты æмæ кардиологты 9-æм конференцийы. Æмбырд ацыд Цæгат Ирыстоны медицинон академийы. Ахæм ахсджиаг мадзал Дзæуджыхъæуы сарæзтой дыккаг хатт. Республикæйы разамынды хъæппæрисæй. Фембæлды сæйраг нысан - кусгæ чи кæны, уыцы дохтырты фæлтæрддзинад фæбæрзонддæр кæнын. Уыимæ ма студенттæн дæр сæ зонындзинæдтæ апарахат кæнын. Конференцийы архайдтой медицинон академиты ректортæ. Мæскуыйы, Стъараполы, Донецк æмæ Цæгат Кавказы республикæты раззагдæр специалисттæ. Уыдон Цæгат Ирыстоны медицинæйы къабазæн скодтой стыр аргъ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv