Æртæ азы куыст цыппар къæпхæнæй. Дзæуджыхъæуы хъæбæр хауæццæгты полигоны рекультиваци кæронмæ æрхæццæ. Куыстæн аргъ скодта республикæйы сæргълæууæг Сергей Меняйло. Сарæзтой дзы 11 объекты. Сбӕрӕг кодтой полигоны гуырахст, бакодтой дзы донцъирӕн куыстытӕ, уыимӕ цӕугӕдон Черная ратӕдзӕны. Ӕхгӕд ӕрцыд хъахъхъӕнӕн экранӕй ӕмӕ йӕ барӕсугъд кодтой цъӕх фӕлыст ӕмӕ ӕнцонвадӕттӕй. Æдæппæтæй рекультиваци скодтой хауæццæгты 4,5 милуан кубометры, 70 гектары фæзуатыл. Æмбырд кодтой ивгъуыд æнусы 60-æм æзтæй. Ныр бынат экологон æгъдауæй у æдас. Ныссагътой дзы тулдз бæласы 1 200 талайы æмæ 800 сириаг розæйы. Мадзæлттæ баххæст кодтой «Сыгъдæг бæстæ» федералон проекты фæлгæты. Уый та хауы нацпроект «Экология»-мæ. Æхцайы фæрæзтæй бахардз кодтой 2 млрд сомæй фылдæр.