Цæгат Ирыстоны кæронмæ æрхæццæ æппæтуæрæсеон фæллойадон армукъа

Цæгат Ирыстоны кæронмæ æрхæццæ æппæтуæрæсеон фæллойадон армукъа. Мадзæлттæ арæзт æрцыдысты республикæйы 5 фæзуатыл. Сæйрагдæр байгом Цæгат Ирыстоны нацон музейы. Армукъа гом кæныны кадджын мадзалы бацархайдта хицауады сæрдар Дзанайты Барис. Премьер аныхас кодта куыстуæтты разамонджытимæ дæр, стæй, куыстагур чи 'рбацыд, уыцы цæрджытимæ дæр. Куыд загъта, афтæмæй уавæртæ аразын хъæуы, йе нæниздзинад хъыгдæрд кæмæн у, уыцы адæмæн дæр, цæмæй сæ бон куыстмæ бацæуын. Ваканситæ адæмы размæ рахастой республикæйы 60 компанийы. Армукъайы æвдыст æрцыдысты куыд чысыл æмæ астæуккаг амалхъомады куыстуæттæ, афтæ егъау корпорацитæ дæр. Мадзалы ма сæрмагондæй æргом аздæхтой, ныртæккæ чи взары фидæны дæсныйад, уыцы фæсивæдмæ дæр. Уыдонæн радзырдтой, ныртæккæ фылдæр цавæр дæсныйæдтæ хъæуы, уый тыххæй. Мадзалы фæлгæты арæзт æрцыдысты куыстуæтты презентацитæ дæр.