Иумæйаг паддзахадон фæлварæн

Иумæйаг паддзахадон фæлварæны 2018-æм азы архайынмæ курдиæттæ бадæттыны бар уыдис æрмæстдæр абонмæ. Уый тыххæй нын фехъусын кодтой нæ республикæйы ахуырад æмæ наукæйы министрады пресс-службæйæ. Сæ гæххæттытæ бадæттыны бар сывæллæттæн уыд сæхи скъолаты. Чи байрæджы кæна, уыдоны курдиæттæ ма райсдзысты æви нæ, уый фæдыл тæрхон хæсдзæн паддзахадон фæлтæрæнты къамис. Разыйы дзуапп дæтдзысты, æмбæлгæ æфсон кæмæн уа, æрмæстдæр уыдонæн. Уый тыххæй хъуамæ равдисой гæххæттыты хуызы æвдисæндартæ се 'фсонæн. Æмгъуыдæй раздæр иумæйаг паддзахадон фæлварæн дæтдзысты 21-æм мартъийæ 11-æм апрелмæ. Фæлтæрæнты сæйраг бонтæ та уыдзысты 28-æм майæ 2-æм июлмæ. Раздæры рауагъдонтæн сæ бон у паддзахадон фæлварæн раздæры æмгъуыдмæ, кæнæ та уæлæмхасæн бонты радтын. Фæлварæн радтыны рæстæг æвзардзысты сæхæдæг сæхи фæндонмæ гæсгæ. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv