Фермертæ æнхъæлмæ кæсынц, курорт «Мамысон» куы байгом уа, уæд сæ кондад фæфылдæр уыдзæн, зæгъгæ

Цæгат Ирыстоны фермертæ æнхъæлмæ кæсынц, курорт «Мамысон» куы байгом уа, уæд сæ кондад фæфылдæр уыдзæн, зæгъгæ. 2019 азы курорт «Мамысон» снысан кодтой сæрмагонд экономикон зонæйæ. Куы байгом уа, уæд дзы уыдзæн 3 мин адæймагæн куысты бынæттæ. Нæ республикæйæн ацы фарста у тынг ахсджиаг. Хъалонты фиддонтæ дзæвгар фæфылдæр уыдзысты, уыимæ республикæмæ цæудзæн фылдæр туристтæ. Афтæмæй ма Алагиры районы Уналы байгом уыдзæн, æхсырыл кæм уыдзæн бакусын, ахæм завод. Фæнд дзы кæнынц 5 тонны онг урсаг уадзын. Ахæм завод саразыны тыххæй æрбангом сты 10 фермерон хæдзары æмæ куыстуаты. Ома арæзт æрцыд хъæууонхæдзарадон кооператив. Йæ материалон-техникон бындур саразыны тыххæй нæ республикæйы хъæууон хæдзарады министрд баххуыс кодта грант райсынæй. Уый фæрцы балхæдтой сæрмагонд транспорт æмæ кусæнгæрзтæ. Фидæны Уналы заводы араздзысты цыхты алы хуызтæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv