Дæлдондзæуæг нау «Владикавказ» архайдзæн æфсæддон-денджызон сæйраг парады.

Дæлдондзæуæг нау «Владикавказ» архайдзæн æфсæддон-денджызон сæйраг парады. Уый цæудзæнис раст иу мæйы фæстæ, 28-æм июлы, Санкт-Петербурджы. Хабары тыххæй фехъусын кодта флоты пресс-службæ. Дæлдондзæуæг нау «Владикавказ» рараст горæт Полярныйæ Балтиаг денджызы рдæм. Баренцы денджызæй Норвегиагмæ фæндагыл йæ экипаж хуыздæр кæндзæн йе `фсæддон цæттæдзинад, сбæрæг кæндзæн æнæнхъæлæджы цауты рæстæг науы цардхъомдзинад. Бафтаудзыстæм ма уый, æмæ Кронштадтмæ дæлдондзæуæг нау хъуамæ æрбахæццæ уа июлы дыккаг æмбисы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv