Республикæйы пенсионертæн сæххæст кодтой сæ фиддонтæ

Ацы аз 6 мæйы æмгъуыдмæ Цæгат Ирыстоны пенсионертæ, стæй льготæтæй чи пайда кæны, уыцы адæмæн радих кодтой 15 миллиард сомы. Æппæт фиддонтæ дæр сын баххæст кодтой фæткмæ гæсгæ. Уый тыххæй хъусын кæны пенсион фонды пресс-службæ. Цæгат Ирыстоны пенси исынц 200 мин адæймагæй фылдæр. Уæ зæрдыл уын æрлæууын кæндзыстæм, ацы аз 1-æм январæй фæстæмæ кусгæ чи нæ кæны, уыцы адæмы пенситæ фæфылдæр сты 7%. Федералон льготæтæй чи пайда кæны, уыдонæн та 4%. Уымæй уæлдай ма республикæйы пенсион фонд ногæй банымадта 33 мин адæймагæн сæ социалон фиддонты бæрц. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv