Уæрæсейы хицауад арвитдзæн 6 млрд сомы, æртæ азæй авд азы онг кæуыл цæуы, уыцы сывæллæтты фиддонтæн

Уæрæсейы хицауад Цæгат Ирыстонæн арвитдзæн 751 милуан сомæй фылдæр, æртæ азæй авд азы онг кæуыл цæуы, уыцы сывæллæтты фиддонтæн. Æмткæй райсгæйæ регионтæ райсдзысты 6 миллиард сомы. Сæрмагонд бардзырд бафыста Михаил Мишустин. Æрвылмæйон фиддонты тыххæй Владимир Путин указ бафыста 2020-æм азы. Снысан сæ кæнынц æххуысцух бинонтæн. Бæстæйы разамонæг бабар кодта бинонты номӕй-номмӕ иртасын. Афтæмæй, 2021-æм азы фиддонты фæткмæ бахастой ивддзинæдтæ. Ныр, бинонтӕн сӕ уавæрмæ гæсгæ, снысан кӕнӕн ис сывæллонæн регионы цæрынæн æппынкъадæр æхцайы бæрцæн йæ 50%-æй 100% -онг. Фиддонты тыххæй курдиат бадæттæн ис паддзахадон лæггæдты порталы, бирæвæрсыг центрты æмæ социалон хъахъхъæнынады оргæнты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv