Хъуыстгонд мультипликацион киноныв «Маша и медведь» ирон æвзагыл тагъд адæмы рæгъмæ рахæсдзысты

Хъуыстгонд мультипликацион киноныв «Маша и медведь» ирон æвзагыл тагъд адæмы рæгъмæ рахæсдзысты. Ныридæгæн бацæттæ кодтой 10 серийы. Уый тыххæй хъусын кæны проекты архайæг Битарты Алексей. Цæмæй «Маша и Медведь»-ы хъайтартæ иронау сдзурой, уый тыххæй хъæппæрис разынд «Спорты, хъæзтыты æмæ культурæйы национ хуызты федерацийы». Проекты автор у Цгойты Тамерлан. Куыд зæгъы, афтæмæй уый пайда уыдзæн ирон æзваг парахат кæнынæн. Фидæны уыцы æрмæджытæй фæнд кæнынц скъолаты дæр пайда кæнын. Ахæм куыст бакæнын та, проекты авторы ныхæстæм гæсгæ, æнцон нæу. Анимацион студимæ, ацы мультипиликацион ныв чи аразы, уымæ сæрмагонд домæнтæ ис. Хъуамæ æнæмæнг æххæстгонд цæуой. Сæ сæйрагдæртæй иу - хæрзхъæд хъæлæсы фыст - хъуамæ уа æмбæлгæ æмвæзадыл. Уый тыххæй проекты архайджытæ рæстæг мæ*ййафтой къуылымпыдзинæдтæ, фæлæ ныр хъуыддагыл бакуыстой æмæ сæ аиуварс кодтой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv