74 азы размæ райдыдта Маньчжуйраг хæстон операци

74 азы размæ райдыдта Хинган-Мукденскаг, æндæр ныхасæй та - Маньчжуйраг хæстон операци. Дыккаг æппæтдунеон хæсты кæрон уый уыд ахсджиагдæр цаутæй иу. Йæ сæйраг хæс уыд Японийы Квантунаг æфсад ныццæгъдын, уыимæ ма Монголи æмæ Китайы цæгатаг зæххытæ япойнаг интервенттæй суæгъд кæнын дæр. 9-æм августы 1945-æм азы Советон æфсæддонтæ Харбины, Чанчуны æмæ Гирины ахст горæтты райдыдтой ныббырст, Сабыр фурды флот та йе `ргом сарæзта Юкæ, Расин æмæ Сейсины денджызон базæтæм. Афтæмæй Японийæн Маньчжури æмæ Корейæимæ бастдзинад нал уыдис. Ацы районты знаджы цардхъомдзинады `вдисæнтæ ныппырх кодтой. Уыцы-иу рæстæг Фæсбайкалы фронты æфсæддонтæ та фæуæлахиз сты калгайнаг, солунаг æмæ хайлараг фронтты. 18-19-æм августмæ æфсæддонтæ рахызтысты Маньчжурийы сæйраг административон æмæ промышленнон объекттæм æмæ сæ бацахстой. Августы кæрон Харбины, Гирины, Чанчуны æмæ Мукдены фистæгцæуджытæн æххуыс кодта уæлдæфон десант дæр. Хинган-Мукденскаг операцийы йæхи хъæбатырæй равдыста нæ зындгонд æмзæххон Плиты Иссæйы бæхджын æфсад дæр. Плийы-фырты руаджы уæрæсейаг æмæ монголаг адæмты `хсæн фæзынд æфсымæрон ахастытæ. Квантуны æфсад уацары ист куы рцыд,уæд Япони кæронмæ басаст. Уæд кæронмæ æрхæццæ дыккаг Дунеон хæст дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv