Цæттæ у!

Райдзаст бадæн бынæттæ, зæрдæмæдзæугæ фистæгцæуджыты фæндæгтæ æмæ цъæх фæзтæ. Майрæмададжы байгом кодтой ирхæфсæн центр «Металлург». Республикæйы цæрджыты æмæ уазджыты фæллад уадзыны проектыл бацархайдта куыстуат «Электроцинк». Цалцæггæнæн куыстытæ райдыдтой фарон фæззæджы. Æдæппæтæй рацарæзтой 17 гектары фæзуат. Уыцы рæстæгмæ заводы службæтæ æмæ арæзтадон компанитæ стыр куыст бакодтой. Баивд электрон хызтæ æмæ телтæ, сног кодтой дæлстанцæ, базылдысты донуадзæн æмæ канализацион системæтæм. Фæлладуадзæн фæзуаты сæвæрдтой дæс беседкæйы, ис каминтæ æмæ мангалтæ, пирс æмæ бæлæгътыл ленк кæнын станцæ, дыууæ бассейны - сывæллæттæн æмæ хистæртæн, хинайæнтæ æмæ дзаумæттæ ивæн уæттæ. Пляжы та кæронмæ арæзт фæвæййынц футбол æмæ волейболæй хъазæн фæзтæ. Уæлдай цæстдард уыдзæн æдасдзинадмæ. Ныр республикæйы цæрджытæн сæ бон у ардæм æрцæуын æмæ баулæфын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv