Лæмбынæг цæстдард

Интернеты тыгъдад у æгæрон. Æхсæвæй, бонæй кæд бафæнда, у дæ бон бахизын æмæ хъæугæ информаци ссарын.  Уыимæ дзы дæхи зæгъинæгтæ дæр зæгъ. Алы адæймагæн дæр ис социалон хызæгтæй пайда кæнæн. Ныррыккон дуджы уым диссагæй ницы ис. Фæлæ уыцы информацимæ ис сæрмагонд цæстдард. Æрвылбон дæр экспертты къорд лæмбынæг кæсы æппæт социалон хызæгтæм дæр. Бæлвырддæр нæ дарддæры æрмæджы. Æрвылбон дæр экспертты къорд лæмбынæг кæсы æппæт социалон хызæгтæм дæр. Сæ хæс у экстремистон æрмæджытæ рабæрæг кæнын æмæ сæ интернеты апарахат кæнын ма бауадзын. Тедеты Анатолий, Уæрæсейы слестгæнæн комитеты РЦИ-Аланийы управленийы дзæуджыхъæуккаг цæгатаг-хурныгуылæн хайады сæргълæууæджы хæдивæг:  «Оперативон службæтæ кæсынц социалон хызæгтæм. Кæд исты экстремистон æрмæджытæ рабæрæг кæнынц, уæд сæ æрæмбырд кæнынц. Уыцы тексттæн саразынц лингвистон экспертизæ. Лингвисттæ уынаффæ рахæссынц, æрмæджыты экстремистон тексттæ ис, æви нæ, уый. Уый фæстæ материалтæ бахауынц махмæ. Мах та сбæлвырд кæнæм, уголовон хъуыддаг байгом кæнын хъæуы, æви нæ, уый». Лингвистты къорд та кусы сæрмагонд методикæмæ гæсгæ. Сæ куысты сусæгдзинæдтæ æргом нæ кæнынц. Экспертты ныхæстæм гæсгæ, экстремистон ныхæстæ æмæ æрмæджытæ фылдæр хатт вæййынц иу хуызон. Дзускаты Сослан, РЦИ-Аланийы мидхъуыддæгты министрады экспертон-криминалистон центры сæйраг эксперт:  «Арæхдæр уыцы æрмæджытæ вæййынц нацитæ æмæ динты минæвæртты æхсæн быцæутæ. Уыдонимæ кусын зын нæ вæййы. Зын архайд уый у, æмæ ахæм тексттæ тынг бирæ кæй сты. Уымæ гæсгæ ацы фарста у тынг ахсджиаг». Иу хъуыддагыл специалисттæ фæкусынц цалдæр боны. Экстремистон æрмæг куы рабæрæг вæййы, уæд слестгæнæг комитет байгом кæны уголовон хъуыддаг. Специалисттæ интернетæй пайдагæнджыты зæрдыл лæууын кæнынц, 282-æм статьямæ гæсгæ дзуапп дæттынц 16 азæй фæстæмæ. Æмæ исты æрмæджытæ социалон хызæгты равæрыны размæ, хъæуы уæлдай хатт сæ мидисмæ æркæсын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv