Дзæуджыхъæуы байгом лæггæдты центр «Мой бизнес»

Дзæуджыхъæуы байгом лæггæдты центр «Мой бизнес». Байгом æй кодтой «чысыл æмæ рæстæмбис амалхъомады æххуысы» национ проекты фæлгæты. Цæгат Ирыстоны у фыццаг ахæм. Бизнесментæн дзы райсæн уыдзæн 100 алыхуызон æххуыс. Иууылдæр фарстатæ раттæн уыдзæн иу специалистæн. Лæггæдты хæрзхъæддзинад уый руаджы хъуамæ фæхуыздæр уа. Æппæт хъæугæ информацийы райсыны фæрцы хи куыстуат байгом кæнын уыдзæн æнцондæр. Кадджын мадзал бабæрæг кодта республикæйы сæргълæууæг Битарты Вячеслав дæр. Ног куысты бынæттæ аразын æмæ амалхъомады райрæзт у хицауады сæйрагдæр фарстатæй иу. Ууыл кусдзыстæм 2020-æм азы дæр, - бафиппайдта республикæйы сæргълæууæг. Социалон-экономикон райрæзтмæ ахадгæ бавæрæн чи бахаста, уыцы амалхъом адæмы Битарты Вячеслав схорзæх кодта паддзахадон хæрзиуджытæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv