2022 æм азы онг Мæздæджы районы райрæзтæн рахай кæндзысты 6 миллиард соммæ ввахс

2022-æм азы онг Мæздæджы районы райрæзтæн рахай кæндзысты 6 миллиард соммæ ввахс. Уый тыххæй фехъусын кодта нæ республикæйы экономикон райрæзты министрадæй. Ныхас ыл кодтой нæ республикæйы хицауады радон æмбырды. Афтæмæй, федералон бюджеты фæрæзтæ уыдзысты 4 млрд æмæ 957 милуан сомы, республиконæй та - 822 милуан соммæ ввахс. Æхцайы фæрæзтæ хардзгонд æрцæудзысты, социалон нысаниуæг кæмæн ис, ахæм объектты бындурон цалцæггæнæн куыстытыл. Уыимæ ма банывыл кæндзысты хъæуты æхсæнадон бынæттæ æмæ хæдзары кæртытæ. Ахæм мадзæлттæ аразын райдыдтой 2017-æй 2019-æм азмæ. Ног гæххæтыл ныр бакуыста республикæйы сæргълæууæг Битарты Вячеслав. Мæздæджы район у республикæйы æппæты дæрддзæфдæр район. Фæндæгтæ дзы бирæ азты дæргъы сты цалцæггæнинаг. Хъæуы дзы саразын дондзæуæн æмæ донахсæн системæтæ, цæрджыты пайдайæн. Мæздæджы районы садзынц мæнæу, хъæбæрхор, рапс, æхсынæн æмæ æндæр хъæугæ хъæууон-хæдзарадон зайæгойтæ. Цæрынц дзы 86 мин адæймагæй фылдæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv