Дзæуджыхъæуы 3-аг хатт цæуы Æппæтадæмон Кавказаг фестиваль «Мариинаг Дзæуджыхъæу»

Дзæуджыхъæуы 3-аг хатт цæуы Æппæтадæмон Кавказаг фестиваль «Мариинаг-Дзæуджыхъæу». Цæгат Ирыстоны цæрджытæн уый у ахсджиаг цау. Фестивалы фæлгæты Мариинаг театры зарæггæнджыты къорд адæмы рæгъмæ рахастой адæмон æмæ уырыссаг классикæйы зарджытæ. Куыд раздæр афтæ ацы хатт дæр, оркестрæн разамынд дæтты Гергиты Валерий. Фестиваль райдыдта 28-æм сентябры, цæудзæн 6-æм октябрмæ. Оперæ æмæ балетæй уæлдай фестивалы уазджытæ фендзысты дæсныйад æвдисæг ахуыртæ дæр. Сæ курдиат дзы равдисдзысты Петр Чайковскийы номыл æппæтадæмон конкурсы лауреаттæ. Сывæллæттæн арæзт æрцæудзæн сæрмагонд программæ. Фестиваль цæудзæн Мариинаг театры Дзæуджыхъæуы филиалы æмæ Цæгат Ирыстоны паддзахадон филармонийы. Уæ зæрдыл уын æрлæууын кæндзыстæм 2017 азы, æхсæз бонмæ фестиваль æрбамбырд кодта 3 мин адæймагæй фылдæр. Архайдта дзы зындгонд пианист Денис Мацуев. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv