Оперативон æмбырд

Сæбæтхъуаты Æхсарбег дзы сæрдариуæг кодта, афтæмæй Хицауады хæдзары уыдис оперативон æмбырд министртимæ, комитетты разамонджытимæ æмæ æндæр бæрнон кусæндæтты сæргълæуджытимæ. Ныхас кодтой, цæмæй арæзтадон объекттимæ баст гæххæттытæ афоныл хæццæ кæной паддзахадон æлхæдтыты республикон управленимæ. Уый фадат ратдзæн, куыстытæ чи хъуамæ сæххæст кæна, ахæм организациты тагъддæр агурынæн. Æмбырды архайджытæ ма се `ргом аздæхтой æгас республикæйы горæттæ æмæ хъæуты æнцонвадат цардæн уавæртæ саразынмæ. Тынгдæр хъуыдыйаг сты, цæрæн хæдзæрттæм æввахс цы фæзтæ ис, уыдон, стæй æхсæнадон бынæттæ. Сæбæтхъуаты Æхсарбег ма æмбæлгæ министрадтæн бахæс кодта сывæллæтты сæрдыгон рæстæг æрвитыныл дæр ахъуыды кæнын. Кæд рæзгæ фæлтæры æнæниздзинады æмæ рæстæгмæ куысты ныллæуыны фарстатæ уый аккаг сты, уæд сæ бабиноныг кæндзысты. Видеобастдзинады фæрцы районты минæвæрттимæ ныхасы рæстæг республикæйы хицауады сæрдары фыццаг хæдивæг фæсидт зæххытимæ баст хъуыддæгтыл бакусын. Хъæуы сæ иу барадон хуызæй иннæмæ, закъон куыд амоны, афтæ ракæнын. Уыимæ рох кæнын нæ хъæуы æппынæдзух хаццоны фиддонтæ афоныл æххæст кæныны хæс дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv