Тæркъæвдатæм цæттæ

Дзæуджыхъæуы энергетиктæ сæхи цæттæ кæнынц тæркъæвдатæм. Хъæугæ куыстытæ кæнынц рухсдæттæг телты арвынæрдæй бахъахъхъæнынмæ. Куыстытæ райдайынц апрелы мæйы кæрон æмæ аххæсы июлы кæронмæ. Уыцы æмгъуыдмæ Цæгат Кавказы энергон тыхты кусджытæ бирæ бафыдæбон кæнынц. Ныртæккæ Беслæнæй Ногиры хсæн энергетиктæ ивынц сæрмагонд згъæрбæндæн, уый руаджы рухсдæттæн телты арв нæ ныццæвы. Ныридæгæн уал æй аивæзтой 20 километры фæзуатыл. Специалисттæн майы мæй тæркъæвдатæй тас нæу. Куыд зæгъынц афтæмæй æрдзон фæзындыл æууæнк нæй, йæ бон у æвзæр фæстиуджытæм расайын. Специалисттæ æппæт хъæугæ куыстытæ дæр кæнынц цæмæй регионы рухс ма хуысса. Сæ куыст хъæугæ æмæ ахсджиаг кæй у, уый æмбарынц. Уымæн æмæ куыд бафыдæбон кæной уымæй бæрæг уыдзæн бахъуаджы рæстæг канд адæмы хæдзæртты нæ, фæлæ ма социалон нысаниуæг кæмæн ис уыцы объектты -рынчындæтты, поликлиникæты, скъолаты рухс уыдзæн æви нæ, уый. Уымæй уæлдай ма специалисттæ сæхи цæттæ кæнынц донивылдыдтæм дæр. Тамерлан Кулаев: Дарддæр цалцæггæнæн куыстытæ цæудзысты Хъæрмæдоны. Уым баивдзыстæм згъæрбæндæн 3 километры фæзуатыл. Ныридæгæн Æрыдоны куыстытæ фесты. Уымæй уæлдай ма бæрæг кæнæм Цæугæдæтты былгæрæтты телы хъæдтæ цы уавæры сты уыдон. Уымæн æмæ тагъд донивылдыдты рæстæг æрлæудзæн». Ныртæккæ æппæт куыстытæ дæр кæронмæ фæхæццæ кæнынц. Специалисттæ бæстонæй бæрæг кæнынц телтæ ма искуы хъыгдард сты æви нæ,уый. Ацамаз Кабисов: «Мах ныртæккæ цæттæ стæм 85 прценты. Тæркъæвдатæй тæссаг рæстæг райдайдзæн апрелы кæрон æмæ аххæсдзæн июлмæ». Тæркъавдыты рæстæгмæ Сэвкавказэнергойы кусджытæ æрмæст сæрмагонд гæрзтæ нæ ивынц. Специалистты ма цæттæ кæнынц зынгсивæрзты рæстæг рухсдæттæг телтæ сцалцæг кæнынмæ дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv