Цæгат Ирыстоны 20 мин адæймаджы пайда кæнынц фæллойадон электронон чингуытæй. Уый тыххæй хъусын кæнынц дзуапдæттæг комитетæй. Ацы хуызы документ пайдадæр у. Æппæт хъæугæ информаци базонæн ис æнцондæрæй. Фæллойадон электронон чиныг фесафæн кæнæ фехалæн нæй. Нымæцон хуызы æрцæуы къаддæр рæдыдтытæ, уайтагъд ссарæн ис куысты æмгъуыды бæрæггæнæнтæ. Уымæй уæлдай ма, фæллойадон чингуыты дыууæ хуызы дæр юридикон бæрнондзинадмӕ гӕсгӕ  æмбар сты. Организациты æмæ уагдæтты сын ис иу тых. Уæ зæрдыл уын æрлæууын кæндзыстæм, фæллойадон электронон чингуытæ фæзындысты 2021-æм азы. Кусгæ чи кæны, уыцы цæрджытæн барвæндонæй равзарыны фадат уыд дыууæ хуызæй иу равзарынæн. Уыцы бар æй ис спайда кæнæн ныр дæр. Хъæуы æрмæст куыстдæттӕгмæ æмбæлгæ курдиат бадæттын.