Уæлахизы кадæн

Цæгат Кавказ фашисттæй суæгъд кæныны кадæн Стъараполы крайы Думæ æмæ ветеранты Советы хъæппæрисæй арæзт æрцыд машинæтыл дугъ. Архайы дзы нæ республикæ дæр. Йæ нысан у Фыдыбæстæйы Стыр хæсты архайджыты хъæбатырдзинад æмæ лæгдзинад ма рох кæнын æмæ Кавказы адæмты `хсæн лымæн ахастдзинæдтæ фидардæр кæнын. Дугъы цæуынц 24 машинæйы. Æрзылдысты Цæгат Кавказы æмæ Хуссар Федералон зылды регионтыл. Акцийы фæлгæты уыд митинг. Æрбацыдысты йæм нациты `хсæн ахастдзинæдты æмæ культурæйы министрадты минæвæрттæ, Фыдыбæстæйы Стыр хæсты ветерантæ, æвзонг æфсæддонтæ, студенттæ æмæ скъолаты ахуырдзаутæ. Райхæлдтой дзы Уæлахизы тырысайы 20 метры халдих. Æнусон арты цыртдзæвæныл сæвæрдтой дидинджытæ. Акодтой хæстон зарджытæ. Дзæуджыхъæуæй машинæтыл дугъы архайджытæ сæ фæндаг акæндзысты Кæсæг-Балхъармæ. Дугъ фæуыдзæн 18-м январы. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv