Пъæлицæйæгтæ Кировы районы рабæрæг кодтой гæны кудзитæ

Пъæлицæйæгтæ Кировы районы рабæрæг кодтой гæны кудзитæ. Ахæм басгæрст, радон хатт сарæзтой, профилактикон мадзал «Мак 2019»-йы фæлгæты. Къудзитæ ныккарстой. Наркотикхæццæ зайæгойтæ фесафыны куыст кæнынц Мидхъуыддæгты Министрады хайады æмæ наркотиктæ зилдух кæныны ныхмæ управленийы кусджытæ. Уыимæ ма сын æххуыс кæнынц бынæттон администрацийы дæр. Дæллаг Бæтæхъойы гæны къудзитæ ссардтой Ворошиловы номыл æмæ Октябрьскæйы уынгты. Зайæгойтæ адæмаджы бæрзæндæн уыдысты. Æркарстой æмæ сæ басыгътой. Ахæм мадзæлттæ араздзысты бæрæг æмгъуыдмæ. Пъæлицæйы кусджытæ адæммæ сидынц, цæмæй, гæн кæм зайы кæнæ йæ барæй кæм ныссадзынц, ахæм бынæтты тыххæй хъусын кæной пъæлицæмæ. Уымæй уæлдай ма административон æмæ уголовон æгъдауæй æфхæрдзысты, цæрджытæй йæ зæххытыл ахæм зайæгой чи нæ куынæг кæна, уыдоны. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv