Хи найæн ис!

Октябрьскæйы Доны станцæйы хи найæн ис. Æнæнхъæлæджы уавæрты министрады специалисттæ донуаты æдасдзинадмæ бæрнонæй æркастысты æмæ бар радтой. Доны объект сбæрæг кодтой техникон æгъдауæй, стæй йæм цæуы санитарон цæстдард. Сæйраг домæн - хъуамæ дзы уа ирвæзынгæнæн пост. Сифтонг æй кодтой æппæт хъæугæ фæрæзтæй. Ирвæзынгæнджытæ та ацыдысты сæрмагонд ахуыртæ. Доны станцæйы сæвæрдтой медицинон пункт дæр. Бахъуаджы сахат дзы уыдзæн фыццаг медицинон æххуыс райсын. Уый дæр домæнтæй иу у. Найынæн бар радта «Роспотребнаддзор» дæр. Донæн скодтой экспертизæ æмæ анализтæм гæсгæ рахастой сбæлвырд кодтой дон сыгъдæг кæй у, уый. Æнæнхъæлæджы уавæрты министрад уæддæр сиды сæ фæллад чи уадзы уыдонмæ, цæмæй уой къæрцхъус æмæ сæхи хъахъхъæной. Карз нозт нуазæн доны объекты нæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv