Æрдзон газæй пайда кæныны æдасдзинадыл ныхас цыд Дзанайты Барисы разамындæй сæрмагонд æмбырды

Æрдзон газæй пайда кæныны æдасдзинадыл ныхас цыд сæрмагонд æмбырды. Амыдта йæ хицауады сæрдар Дзанайты Барис. Архайдтой ма дзы барадхъахъхъæнæн æмæ контролон-цæстдарæн оргæнты минæвæрттæ. Слестгæнæн комитеты бæрæггæнæнтæм гæсгæ, æгас бæстæйы сарæх сты сыгъдхъæстæимæ баст цаутæ. Сæ сæйраг аххосаг – æдасдзинады домæнтæ æххæстгонд кæй нæ цæуынц, уый. Арæх газы прибортæ скусын кæнынц æнæ специалистты æххуысæй æмæ уый расайы фыдбылызмæ. Дзанайты Барис фæнысан кодта, ацы фарста иумæйаг архайды руаджы аиуварс кæнын кæй хъæуы. Уыимæ ма дзуапдæттæг куыстуæттæ æмæ районты сæргълæуджытæн хъæуы цæрджытимæ æмбарынгæгæн информацион куыст сарæх кæнын. Адæмæн дзурын газы прибортæй пайда кæнгæйæ æдасдзинады домæнты тыххæй.