Пъæлицæйæгтæ арфæ ракодтой Владимир Пруссаковæн

Дзæуджыхъæуы пъæлицæйæгтæ æмæ слестгæнджытæ бабæрæг кодтой Фыдыбæстæйы Стыр хæсты ветеран Владимир Пруссаковы йæ гуырæнбоны фæдыл. Сæххæст ыл 96 азы. Республикæйы мидхъуыддæгты министрады сæ размæ хæс æвæрынц, ветеранты æрмæст стæм хатт бæрæг кæнын нæ, фæлæ ма сæм æппынæдзух цæст дарын. Цы æркæсинаг фæрстытæ сæм ис, уыдон сын иуварс кæнын, суанг ма сæм се рвылбоны хъуыддæгтæй дæр фæкæсын. Уæрæсейы мидхъуыддæгты министрады Дзæуджыхъæуккаг управленийы сæргълæууæг Саутæты Вадим нæ республикæйы мидхъуыддæгты министр Михаил Скоков æмæ æгас министрады кусджыты номæй арфæйы ныхæстæ ракодта ветеранæн. Æнæ лæвæрттæй дæр æй нæ ныууагътой. Владимир Пруссаков дæр бузныджы ныхæстæ загъта уазджытæн. Раарфæ сын кодта, æдасæй æмæ æнтыстджынæй куыд кусой, уый тыххæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv