Ног дæсныйад райсыны фадат уыдзæн 241 адæймагæн

2020 азы кæронмæ Цæгат Ирыстоны ног дæсныйад райсыны фадат уыдзæн 241 адæймагæн. Уый тыххæй хъусын кæны республикæйы куыстдæттыны комитет. Адæмы ног дæсныйадыл ахуыр кæндзысты национ проект «Демография»-йы фæлгæты. Куыстæн радих кæндзысты 19 милуан сомæй фылдæр. Программæйы архайджыты бон уыдзæнис ахуырад, информацион технологитæ æмæ социалон къабазы сæ зонындзинæдтæ фæуæрæхдæр кæнын. Ног дæсныйад райсын суыдзæни канд пенсимæ чи нæма рацыд, уыдонæн нæ. Программæ баххæст кæндзысты бюджеты фæрæзтæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv