4 боны кусæм?

Куыд ма хъусын кодтам, афтæмæй æрæджы Уæрæсейы Хицауады сæрдар дзырдта, бæстæйы, гæнæн ис, æмæ 4 кусгæ боны кæй ныууадзысты. Уый, дам,сахаддзæн, адæм кæй бафæллайынц æмæ сæ дæсныйадæй зæрдæцъæх кæй свæййынц, ууыл. Куысты бынæттæ агурæн портал Суперджоб бавдæлд, æмæ сарæзта сæрмагонд иртæстытæ. Фæбæлвырд дзы кодта, уæрæсейæгтæ Медведевы хъæппæрисмæ цы цæстæй кæнынц, уый. Ныртæккæ сын сæ куысты хатдзæгтæ уынут нæ егъау экраныл. Бæрæг куыд у, афтæмæй Хицауады сæрдары хъуыдыимæ разы сты нæ бæстæйы цæрджыты 49 проценты. 31 проценты сты йæ фæнды ныхмæ. Адæмы 20 проценты та йæ бæлвырдæй нæма `мбарынц, хорз у æви æвзæр, уый. Сылгоймæгтæ æмæ нæлгоймæгтыл дзургæйæ та бæрæггæнæнтæ сты ахæмтæ: Уæрæсейы цæрæг сылгоймæгты 53 проценты рахæцыдысты премьеры фæндоны фарс, нæлгоймæгтæ баисты 46 проценты. Иртæстыты хатдзæгтæ цымыдисаг сты мызды бæрц хынцгæйæ дæр. Рабæрæг, йæ улупа 30 мин сомæй къаддæр кæмæн у, уыдоны 51 проценты Медведевы фарс кæй фесты. 80 мин сомæй фылдæр чи исы, уыдон уыдысты æрмæстдæр 39 проценты. Æдæппæтæй æрфарсты архайдта Уæрæсейы 1600 цæрæджы. Цымыдисаг уый у, æмæ 4 кусгæ боны тыххæй фыццаг хатт нæ дзурынц. Фæлæ афæдзы размæ ахæм хъуыдыимæ сразы уыдаиккой адæмы 76 проценты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv