Уæрæсейæгтæн сæ куысты мызды тыххæй сарæзтой иртæстытæ

Уæрæсейы цæрджыты 75 проценты сæ мыздмæ æнхъæлмæ кæсынц Хуыцауы хорзæхау. Уый тыххæй хъусын кæны агентад «РИА Новости». Сæрмагонд иртæстытæ сарæзта онлайн-кредиттæ дæттыны центр «Робот Займер». Куыд рабæрæг, афтæмæй уæрæсейæгты 40%-æн мызд райсыны размæ нæ фæфаг кæны 10 мин сомы, цæрджыты 7% фæхъæуы 6-8 мин сомы уæлæмхасæн фæрæзтæ, 8% та «нæгъ» нæ зæгъиккой 5 мин сомæй. Экспертты ныхæстæм гæсгæ, адæмы 20% фылдæр мызд райсыны агъоммæ цух феййафынц цалдæр минæй. Иу мыздæй иннæ мыздмæ уæлæмхасæн æхцайы фæрæзтæ нæ хъæуы æрмæстдæр цæрджыты 25%. Не `мбæстæгтæй уæлдай æхцатæй сæхи бабуц кæнынц 5%. 6,6 проценты та уæвгæ дæр сæ амонд æхцайы `фтиæгтæй нæ барынц. Иртæстытæ сарæзтой 1-æй 14-æм июлмæ, архайдтой дзы 21 азæй фылдæр кæуыл цæуы, ахæм адæм. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv