«Электроцинчы» раздæры кусджытæн æндæр бынæттæ ссарыны хъуыддагмæ æркастысты

Цæгат Ирыстоны 50 куыстуатæй фылдæр æркастысты, завод «Электроцинчы» раздæры кусджытæн ног бынæттæ ссарыны хæсмæ. Куыстуæттæ фехъусын кодтой, цы уæгъд бынæттæ сæм ис, уыдоны тыххæй. Ацы хъуыддагыл кусгæйæ 31-æм июлы сараздзысты армукъа. Æдæппæтæй дзы уыдзæн 250 куысты бынатæй фылдæр. Кæй фæнда, уымæн йæ бон у æрбацæуын æмæ хъæугæ ваканситы номхыгъд фенын. Уæ зæрдыл уын æрлæууын кæндзыстæм, Электроцинчы зынгсирвæзты фæстæ æгуыстæй баззадысты 1128 адæймаджы. Сæ кæцыдæр хайæн куыст дæттыны комитеты ссардтой ног бынæттæ. Армукъа саразыны хъæппæрис фæзынд хицауадон æмбырды. Амыдта йæ Битарты Вячеслав. Æдæппæтæй заводы æгуыстæй чи баззад, уыдоны иу хай райстой Уралы хæххон металлургон компанимæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv