Юбилеон дукани

Уæрæсейы продукци уадзæг хуыздæр компанитæй иу «Икс Пять», зæгъгæ, байгом кодта йæ радон дукани Дзæуджыхъæуы. Афтæмæй сын æгас бæстæйы баисты 13 мины. Базарадон хыз нæ республикæйы архайы рагæй. Ног супермаркет сси Дзæуджыхъæуы 7-æм, регионы та - 9-æм. Куысты бынæттæ сæ руаджы фæфылдæр сты. Кадджын мадзалы уыдысты нæ уацхæсджытæ дæр. Ныхасы бар сын дæттæм. Мæнæ афтæ, рæсугъд æмæ циндзастæй Дзæуджыхъæуы гом кæнынц ног дукани «Пятерочка», зæгъгæ. Гипермаркет сси юбилеон - 13 мин дуканийы ныридæгæн æнтыстджынæй кусынц нæ бæстæйы. Семæ ма дуканитæ «Карусель» æмæ «Перекресток». Тæрхæджытыл - дыргътæ æмæ халсартæ. Акцион товартæ дзы æцæгæй дæр бирæ ис. Бур-бурид фыст æргъты нысаниуæгтæ ууыл дзурæг сты. Фæлæ, лæмбынæг куы æркæсæм, уæд дзы бынæттон продукци чысыл ссардзынæ. Томайты Хъазыбег, РЦИ-Аланийы экономикон райрæзты министр: «Уæлдай ахсджиаг у, цæмæй тæрхæджытыл бынæттон продукци уадзæг компанитæн дæр сæ товар уа. Раст куы зæгъæм, уæд мæнæ ам афтæ бирæ дæр не сты. Фæлæ йæ куыд зонын, афтæ тагъд рæстæг сараздзысты сæрмагонд ахуыртæ бынæттон продукци уадзæг куыстуæттимæ. Хъуамæ базарадон хызæджы домæнтæн дзуапп дæттой». Нæ республикæйы дукани фыццаг нæу. Фарон аз байгом кодтой 9 дуканийы. Компанийы минæвæрттæ куыд зæгъынц, афтæмæй ма сыл ноджыдæр бафтдзæн. Афæдзы кæронмæ уыдзысты 15. Æмтгæй райсгæйæ та - 100-мæ хæстæг. Цæгат Ирыстонæн уый ахъаз уыдзæн ног куысты бынæттæ байгом кæнынæн. Æдæппæтæй - 300. 350 млн сомы та - хъалонтæ нæ экономикæйы райрæзтæн. Компанийы æмгуыстадмæ цæттæ сты. Чысыл амалхъом адæймæгтæн зæрдæ æвæрынц уæлдай гæнæнтæ саразынæй. Æмгуыстады хатдзæгтæ фидар кæнынц гæххæттыл. Компани бафыста бадзырд нæ республикæимæ. Йæ сæйраг нысаниуæг у инвестицион райрæзтæн баххуыс кæнын æмæ регионы базарады куыст рапарахат кæнын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv