Уæллаг Ларсы æмæ Дæллаг Зæрæмæджы уадзæн пуктты

Уæллаг Ларсы æмæ Дæллаг Зæрæмæджы уадзæн пуктты цы контролон службæтæ кусынц, уыдон сæ ныхмæ архайынц. Фылдæр бæлцæттæ арæнты сæрты раласынмæ хъавынц тамако æмæ карз нозт. Уыимæ ма дзы разыны зæрингуырдты дзауматæ æмæ наркотиктæ дæр. Хинæйдзаг адæймæгтæ цы нæ æрхъуыды кæнынц, цæмæй уыцы хъуыддæгтæ сæ къухы бафтой. Афтæмæй, арæнхъахъæнджыты хъусынгæнинагмæ гæсгæ, ацы мæй нырдиæгæн рабæрæг кодтой 20 закъонхæлды. Уæрæсемæ сусæгæй хъавыдысты баласын тамако æмæ карз нозт 3 милуан сомæн. Ныр уыцы æрхъуыдыджынтæм дарддæр цы æнхъæлмæ кæсдзæн, уый тыххæй уынаффæ рахæсдзæн Цæгат Ирыстоны Таможня. Админстративон æгъдауæй сæ хъуамæ бафхæрой. Дзырддаг кæй сты ахæм хъуыддæгтæ, уый хъуамæ уа æвдисæн, бæлцæттæ арæнты нæ, фæлæ закъоны сæрты кæй хизынц. Уый фæдыл, Арæнхъахъхъæнджыты разамынды кусджытæ курынц, цæмæй адæм æмбæлгæ домæнтæ æххæст кæной. Цы товартæ ласын фæнд кæной, уыдон æнæмæнг регитсрацигонд куыд уой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv