Æргом ныхас

Цæгат Ирыстоны мидхъуыддæгты министр Михаил Скоков æргом ныхас акодта Мæздæджы районы цæрджытимæ. Фембæлд сарæзтой культурæйы бынæттон Галуаны. Архайдтой дзы горæты æмæ хъæуты администрациты разамонджытæ, национ æхсæнадты минæвæрттæ, районы цæрджытæ. Æмткæй райсгæйæ, Мæздæджы районы цы фыдракæндтæ æрцæуы, уыдон республикæйы иннæ рæттимæ абаргæйæ уыйас ницæмæй хицæн кæнынц. Фæлæ уæлдай къæрцхъус ам уæвын хъæуы, цæмæй терроризм æмæ экстремизмы æвзартæ сæ сæртыл ма схæцой. Уымæй хъауджыдæр ма æнæрынцойæ кæсын хъæуы фæсивæдмæ. Министр йæхæдæг кæй фæнысан кодта, уыцы фыдракæндты номхыгъды уыдысты наркотиктæ æмæ хæцæнгарзы зилдух. Уæдæ адæм дæр сæ зæгъинæгтæ загътой. Тыхсын сæ кæнынц автотранспортимæ баст æнæзакъон цаутæ, нациты `хсæн ахастытæ, экономикæ æмæ хъæууон хæдзарадимæ баст хъуыддæгтæ. Михаил Скоков алкæмæн дæр радта бæстон æмæ мидисджын дзуапп. Фæсидт æрбацæуджытæм, цæмæй æууæнкджын цæстæй кæсой пъæлицæмæ. Районы цæрджытæ дæр уæдæ министрæй фæбузныг сты, кæй сæм саккаг кодта, уый тыххæй. Сергей Митрашов, член общественного совета при ОМВД РФ по Моздокскому району: «Уый, æнæмæнг, æвæрццæг фæзынд у. Мæздæджы районы историйы нæм республикæйы мидхъуыддæгты министр саккаг кодта æрмæстдæр дыккаг хатт. Адæм æй уынынц, кæй сæ нæ рох кæны, сæ тыхстдзинæдтæм сын йе `ргом кæй здахы, уый. Сæ фæрстытæн сын бæстонæй дзуапп кæй радта, уый у æууæнчы бындур». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv