Сергей Меняйло кусæг фембæлд уыд Китайы æппæтадæмон инвестицион корпорацийы минæвæрттимæ

Республикæйы сæргълæууæг Сергей Меняйло фембæлд китайаг æппæтадæмон инвестицион корпорацийы минæвæрттимæ. Дзырдтой æмгуыстады фарстатыл. Регионы разамонæджы ныхæстæм гæсгæ, Цæгат Ирыстон у цӕттӕ æнтыстджын архайдмæ æмæ ног фæлтæрддзинад исынмæ. Китайæгтæ фæнд кæнынц æмгуыст кæнын туризмы къабазы, уыимæ цæттæ сты культурон бастдзинæдтæ фидардæр кæнынмæ дæр. Ахуырадон къабазы та республикæйæн ис фадæттæ программон проекттæн ахуырадон центртæ саразынæн. Базарадон-экономикон ӕмӕ семӕ инвестицион бастдзинæдтæ фидардæр кæнæн ис хъæууон-хæдзарады къабазы æмархайгæйæ. Китайы технологиты фæрцы хуыздæр бахъахъхъæнæн ис дыргътæ æмæ халсарты хæрзхъæддзинад. Хъæууон-хæдзарадон техникæйæ дæр уæдæ сæ бон у фæхай кæнын. Къабазы чи кусы, уыдоны къух ахӕм техникæйы фæрцы фæрогдæр уыдзæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv