Мадæлон æвзаджы ад

Æрыдоны районы культурæйы галуаны дыккаг хатт арæзт æрцыд «Аив дзырды дæсны» республикон конкурс. Скъоладзаутæ кастысты æмдзæвгæтæ иронау æмæ дыгуыронау. Сæ зæрдæмæ арф айстой ирон поэтты сфæлдысад. Сценæйы кæрæдзи ивгæйæ, 100 скъоладзауæй фылдæр равдыстой сæ курдиат. Конкурс арæзт уыд патриотон клуб «Райгуырæн бæстæ»-йы хъæппæрисæй.  Æрвылазон республикон конкурс «Аив дзырдты дæсны» скъоладзауты *хсæн радон хатт адæмы зæрдыл æрлæууын кодта бирæ зæрдæмæдзæугæ рæнхъытæ. Кæд фарон архайджытæ 30-мæ ввахс уыдысты, уæд ацы аз 100-йæ фылдæр сты. Скъоладзаутæ сæхи иттæг хорз бацæттæ кодтой æмæ радзырдтой сæ уарзондæр æмдзæвгæтæ. Чи тæрсгæйæ, чи та æууæндондæр. Азæй-азмæ ерысты цæттæдзинад хуыздæрæй-хуыздæр кæны. Ацы хатт Дыгуыры æмæ Æрæфы районы скъоладзаутæ æмдзæвгæтæ кастысты ирон æвзагыл. Æрыдоны, Алагиры, Горæтгæрон æмæ Дзæуджыхъæуы скъоладзаутæ та - дыгуыронау. Сæ ныхас уыд аив æмæ рæсугъд. Киситы Эвелина скъола ацы аз фæуыдзæн. Конкурсмæ бацæттæ йæ уарзондæр æмдзæвгæ. Куыд зæгъы афтæмæй æмдзæвгæтæ кæсгæйæ, йе*уæнгтæ кæнынц рог æмæ бацæуы дзы уæларвон æнкъарæнтæ. Конкурсы уæлахиздзауты схорзæхджын кодтой майдантæй, æвдисæндартæй æмæ цымыдисаг чингуытæй. Чысыл ерыстæ ма уыдысты ахуыргæнджыты`хсæн дæр. Хæслæвæрдмæ гæсгæ, сæ алкæй хъуыд нывæфтыдты тыххæй иронау гыццыл радзырд радзурын. Ахæм ерыстæ скъоладзауты зæрдæмæ фæцыдысты, æмæ сæ фæнды ахæм фембæлдттæ арæхдæр куыд уой, уый. Хистæртæ семæ сразы сты - æмæ кæстæрты курдиатмæ гæсгæ хæстæгдæр рæстæг сын ноджы иу сфæлдыстадон конкурс сараздзысты . Æрыдоны культурæйы галуаны ма иу æмæ дыууæ хатты нæ бакæсдзысты рæсугъд æмдзæвгæтæ. Хуымæтæджы нæ фæзæгъынц: «Мадæлон æвзаг мады ад кæны» - зæгъгæ. Ацы скæоладзаутæм кæсгæйæ, бæрæг у сæ мадæлон æвзаг сын адджын æмæ зынаргъ кæй, уый. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv