2019 азы регионалон программæйы фæлгæты республикæйы бындуронæй сцалцæг кæндзысты 40 бирæфатерон хæд

40 бирæфатерон хæдзары бындуронæй сцалцæг кæндзысты афæдзы кæронмæ республикæйы. Куыстытæ ныридæгæн цæуынц Миллеры уынджы 4 хæдзары. Аив сын кæнынц се ддаг бакаст æмæ ивынц бæстыхæйттæ сæртæ. Ныртæккæ бындурон цалцæгæн фиддоны бæрц у 5 сомы æмæ 24 капеччы иу квадратон метрæн. Уыцы нымæц иннæ аз дæр ивд не рцæудзæн. Фæлæ лæггæдтæ афойнадыл хæссыны фæтк у иуыл хорз нæу, бирæтæ уæвгæ фидгæ дæр нæ кæнынц. Цæрæнуæтты коммуналон хæдзарады ныфс дарынц уавæр хуыздæры `рдæм кæй аивдзæн, ууыл. Миллеры номыл уынджы цыппар хæдзары цæрджытæ ныхас кæнынц куыстытæ æххæстгæнæг арæзтадон компанийы кусджытимæ. Фембæлды сæйраг нысан куыстыты хæрзхъæддзинад. Хæдзæрттæ ам 50 азæй фылдæр бындуронæй цалцæггонд нæ уыдысты. Цæрджытæн уæлдай æхсызгон у цæрæнбынæттæн сæ историон аив хуыз кæй нæ фесæфдзæн уый. Бæстыхæйтты æддаг бакаст ноджы саив дæр уыдзæн. Ногæй баивдзысты хæдзæртты сæртæ. Кусджытæ фыдæбон кæнынц æнæрынцайгæйæ. Проектыл бакуыстой горæты сæйраг архитектор, регионалон оператор æмæ арæзтадон куыстуат. Къул цавæр ахорæнтæй сахорын хъæуы, уый дæр снысан кодтой иумæйаг уынаффæмæ гæсгæ. Фæлæ бынæттон цæрджытæ тæрсынц, боныхъæд куыстытæ кæронмæ ахæццæ кæнын куы нæ бауадза, уымæй. Куыстытæ æххæстгæнæн компани зæгъы- тас ницæмæй у. Боны æнæнхъæлæджы ивдзинæдтæм сты цæттæ. Хæдзæртты сæртыл сæрмагонд гæрзтæ байтыдтой. Уымæй уæлдай ма сæ алы хсæв тентæй æрæхгæнынц. Кусджытæ расыгъдæг кодтой къулты уæлдай сæрстытæ, аив кæнынц балкъонтæ, ныридæгæн дзы сæвæрдтой ног рудзгуытæ. Цæрæнуæтты-коммуналон хæдзарады минæвæртты ныхæстæм гæсгæ цалцæггæнæн куыстытæ конд цæуынц бындурон цалцæджы фиддонты руаджы. Фæлæ уыдон фаг не сты. Афæдзмæ фиддонтæ бахастой æрмæст цæрджыты 31 %. Миллеры номыл уынджы хæдзæртты бындурон цалцæг фæнд кæнынц ноябры фæуын. Афæдзы кæронмæ республикæйы бындуронæй сцалцæг кæндзысты 40 бирæфатерон хæдзары. Алагиры районы 5 хæдзары хыгъдæй айстой, уымæн æмæ бындурон цалцæгæн фиддонтæ нæ бафыстой. Иу хæдзар Дзæуджыхæуы банымадтой кæлæтдзагыл. Иннæ цæрæнбынæтты куыстытæ хъуамæ фæуой афойнадыл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv