Дзæуджыхъæуы байгом Байцаты Валерийы равдыст "Человек Дошедший"

Нымæцон къабазы райрæзмæ ног цæстæнгасæй бакæсын, уыимæ нымæцон технологиты дуджы адæймаджы фидæн цавæр у, уый раиртасын. Дзæуджыхъæуы байгом Байцаты Валерийы равдыст "Человек Дошедший". Нывгæнæг-керамист йæ экспозици равӕрдта Пушкины номыл нывкæнынады аивæдты паддзахадон музейы Цæгат Кавказы филиалы. Автор цы фарстатæ æвдисы йæ куыстыты, уыдоны руаджы адæймаг арфдæр хъуыды кæны интернеты дуджы монон нысаниуæг æмæ хъæздыгдзинадыл. Йе сфæлдыстады фенæн ис, адæмыл гаджеттæ куыд ахадынц, уый.