Хъармгæнæн рæстæгмæ цæттæдзинад сбæрæг кодтой бæрнон кусджытæ

Цæгат Ирыстоны хицауады сæрдары хæдивæг Фадзайты Æхсарбег æмæ цæрæнуæтты-коммуналон хæдзарады, артаг æмæ энергетикæйы министр Тамайты Майрæн бабæрæг кодтой Дзæуджыхъæуы Дзусовы номыл уынджы хъармгæнæн. Хъармдæттæнæй тæвд цæуы бирæфатерон хæдзæртты 60 мин цæрджытæм. Ам цалцæггонд æрцыд 4 пецы. Уый фæстæ бæрнон кусджытæ федтой, Весеннийы уынджы 2005 азæй цы хъармгæнæн кусы, уый. Хъармгæнæнæй тæвд цæуы 19 бирæуæладзыгон хæдзармæ. Кусы автоматикон æгъдауæй, дзуапп дæтты æппæт хъæугæ домæнтæн. Уыимæ дзы æвæрд æрцыд ног барæн системæ. Технологон ногдзинады фæрцы электрон тых æмæ газ хардзгонд цæудзæн къаддæр. Æрæджы ма модернизацигонд æрцыд Дзæуджыхъæуккаг уынджы хъармгæнæн. 11 бирæфатерон хæдзарæн сæ хъармгæнæн рæстæг ацæудзæн æнæ къуылымпытæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv