«Спаси жизнь ребенку с лейкозом», зæгъгæ, акци райдыдта Дзæуджыхъæуы

Тугдæттыны акци райдыдта Дзæуджыхъæуы. Донор суæвын æмæ стæджы магъзы фæлварæн раттын у алкæй бон дæр. Акци аххæсдзæн 5 боны. Мадзал аразæг хæрзаудæн фонд «Быть добру». Республикæйы æххæстгонд цæуы 5-æм хатт.  Ахæм акциты фæрцы, стæджы магъзы донорты сæрмагонд банк кæй хонынц, уый фæфылдæр 481 адæймаджы бæрц. Тугмæ гæсгæ сбæрæг кæнæн ис, адæймаджы генты сконд. Бæрæггæнæнтæ та æрвыст æрцæуынц стæджы магъзы донорты национ регистрмæ. Акцийы фыццаг бон туг радтой 10 адæймагæй фылдæр.  «Спаси жизнь ребенку с лейкозом», зæгъгæ, акцийы архайдтой 18 азæй 45 азы онг кæуыл цæуы, ахæм адæм. Сæйраг домæн – цæмæй донор æнæниз уа. Тугдæттыны размæ адæймаг сбæрæг кæны йæ æнæниздзинады уавæр. Дохтыр æм рагагъоммæ æркæсы æмæ сфæлхат кæны, ис ын бар туг раттынмæ, æви нæ. Уый хыгъд туг дæттыны размæ нæй карз нозт нуазын. Æрвылаз Уæрæсейы 5 мин адæймагмæ рабæрæг кæнынц лейкоз кæй хонынц, уыцы æвзæрниз. Мадзал аразджыты ныхæстæм гæсгæ, донор суæвынæн бирæ нæ хъæуы, акци та ахсджиаг у. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv