Хъазахъхъаг дружинæтæ райдыдтой республикæйы арæнтæ хъахъхъæнын

Хъазахъхъаг дружинæтæ бархион адæмон дружинæтимæ райдыдтой республикæйы паддзахадон арæнтæ хъахъхъæнын. Æрвылаз уыцы куыст фæцæуы 1-æм июнæй 30-æм сентябрьмæ. Аразынц æй Уæрæсейы æдасдзинады федералон службæйы арæнты управленийæн паддзахадон арæнтæ хъахъхъæнынæн баххуыс кæныны бадзырдмæ гæсгæ. Терчы æфсæддон хъазахъхъаг æхсæнады Алайнаг хайады уæнгтæ дружинникты хуызы фæхъахъхъæнынц арæнтæ. Сæ куыстмæ хауы, æмарæн зæххытыл цы адæм цæры, уыдоны гæххæттытæм æркæсын. Ныхас ма фæкæнынц Цæгат Ирыстоны цæрджытæ æмæ уазджытимæ, цæмæй арæнтæм æввахс хи дарыны фæтк ма халой. Хъазахъхъæгтæ стыр æвæрæн бахæссынц арæнтæ хъахъхъæныны куыстмæ æмæ закъонхалджыты ахсынмæ. 2018-æм азы хъазахъхъæгты бæрæггæнæнтæм гæсгæ, æрцахстой 5 закъонхалæджы. Уымæй уæлдай ма, дружинæтæ архайынц арæнты управлениимæ культурон бастдзинад фидардæр кæныныл, фæкæнынц сын гуманитарон æххуыс. Сæ хæсыл нымайынц хъазахъхъаг культурæйы рæзтыл, стæй фæсивæды патриотон хъомыладыл дæр бакусын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv