«Зæгъ, кæм уæй кæнынц мæлæт»

Цæгат Ирыстоны сбæрæг сты æппæтуæрæсеон æркаст «Зæгъ, кæм уæй кæнынц мæлæт»-ы уæлахиздзаутæ. Æркасты бацархайынæн хъуыд наркотикты ныхмæ плакат саразын.  Мадзалы архайдтой 3 мин сывæллонæй æмæ иу мин ныййарæгæй фылдæр æнæхъæн республикæйæ. Æркаст арæзт цыдис 12-æм мартъийæ 23-æммæ. Æмбулгæ та ракодта республикæйы физикон-математикон лицейы 7 «А» кълас. Ахуыргæнджыты ныхæстæм гæсгæ, плакаттæ æрхъуыды кодтой сывæллæттæ сæхæдæг. Афтæмæй сæ сабидуджы хуыздæр æмбарын райдайынц, наркотиктæ цас тæссаг сты, уый. Хорзæхджынгæнæн мадзалы нæ республикæйы мидхъуыддæгты, стæй ахуырад æмæ наукæйы министрады кусджытæ схорзæхджын кодтой сывæллæтты лæвæрттæ æмæ кады гæххæттытæй. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv