Хуссар æфсæддон зылды æфсæддонтæ бацархайдтой æппæтадæмон акци «Географион диктант» ы

«Георгафион диктант» ныффыстой Хуссар æфсæддон зылды службæгæнджытæ. 3 мин æфсæддонæй фылдæр. Акци ацыд Абхазы республикæйы. Фыццаг хайы 10 фарстайы уыдысты æппæтæн зонгæ факттæ географийæ. Дыккаг хайы та уыд 30 фарстайы. Уыдонæн дзуапп дæтгæйæ хъуыд логикæ æмæ æрхъуыдыдзинадæй спайда кæнын. Диктанты хатдзæгтæ сбæлвырд уыдзысты 29-æм ноябры. Базонæн сæ уыдзæн бæрæггонд сайты, бланчы сæрмагонд номырмæ гæсгæ. Хуссар æфсæддон зылды æфсæддонтæ æппынæдзух фæархайынц акци «Георгафион диктант»-ы. Акцийы сæйраг хæс у Уæрæсейы цæрджыты географион ахуырдзинад сбæрæг кæнын. Хатдзæгтæ кæнгæйæ нымад фæцæуынц цæрджыты ас æмæ сæ социалон уавæр. Ацы акци арæзт æрцыд юбилейон 5-æм хатт. Уæрæсейы Хуссары диктант ныффысынæн æппæты фылдæр фæзтæ срегистраци кодтой Краснодары крайы. Ам уыд - 576 фæзы. Фæсарæнты та срегистраци кодтой 265 фæзы. Уыдон сты алы континентты дæр, Антарктидæйæ фæстæмæ. Фыццаг хатт, англисаг æвзагæй уæлдай ма, диктанты фарстатæ ратæлмац кодтой францусаг æвзагмæ. Æппæты фыццаг хатт та географион диктант ныффыстой 2015-æм азы. Уæд æй фыстой æрмæстдæр Уæрæсейы 210 фæзыл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv