Цæгат Ирыстонмæ радон хатт ссæудзысты дохтыртæ Санкт-Петербургæй

Цæгат Ирыстонмæ радон хатт ссæудзысты дохтыртæ Санкт Петербургæй. 23-æм сентябрæй 28-æм мæ нæ республикæмæ цæрджытæй медицинон æххуыс бакæндзысты. Акци аразынц «Врачи Петербурга – Осетии», - зæгъгæ, проекты фæлгæты. Уый тыххæй хъусын кæнынц Цæгат Ирыстоны национ ахастдзинæдты хъуыддæгты фæдыл министрадæй. Уыдзæн дзы медицинæйы алы къабазы фæлтæрджын специалисттæ. Хъæугæ æххуысы фæдыл дарддæр ацæуын кæй хъæуа, уыцы рынчынты арвитдзысты Санкт-Петербурджы Павловы номыл медицинон университеты клиникæмæ. Дохтыртæ сæ исæнуæттæ байгом кæндзысты Дзæуджыхъæуы, Алагиры, Цыколайы æмæ Октябрскæйы хъæуы. Сæрмагонд проект «Петербурджы дохтыртæ – Ирыстоны» æххæстгонд цæуы нæ республикæйы хицауад æмæ Санкт Петербурджы ирон диаспорæйы хъæппæрисæй. Ахæм хæрзаудæн акци кæнынц 4-æм аз. Уæдæй нырмæ хъæугæ медицинон æххуыс райстой 5 мин адæймагæй фылдæр. 1 мин æмæ 300 адæймаджы аластой Санкт Петербургмæ дзæбæх кæнынмæ, 969-æн æнтыстджынæй скодтой опреацитæ. Ацы аз дæр, раздæрау, дохтырты æххуыс уыдзæн лæвар. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv