Гасситы Мурат цæттæ у тохмæ

Фæлæ уал ныр – сæйраг хабары тыххæй. Гасситы Мурат æмæ Юриер Дортикос райсом рингыл фембæлдзысты. Уыцы тохмæ иууылдæр æнхъæлмæ кæсынц. Йæхимæ бирæты ргом æлвасы. Чи фæуæлахиз уыдзæн, уый бæрæг нæу. Тох райдайдзæн фæсæмбисæхсæв. Æнхъæлмæ йæм кæсæм. Не сфæлдыстадон къорд дæр уым кусы æмæ нын хабар кæндзысты. Уый размæ нæ уацхæссæг Илаты Батрадз фембæлди IBF боксы Федерацийы президент Дæрил Пиплзима. Бафарстра йæ Гасситы Мураты тыххæй æмæ райста мæнæ ахæм дзуапп. «Муратимæ æз дæр аныхас кодтой иучысыл. Тынг дзæбæх спортсмен у, æгъдауджын лæппу. Æфсæрмыгæнаг. Боксы чи кусы, уыдонæн се ппæтæн дæр сæ зæрдæмæ цæуы. IBF федерацийæ тынг хорз минæвар у. Нæ сæр дзы бæрзæндты хæссæм, уæдæ ма куыд!», - загъы IBF-ы боксы федерацийы президент Дэрил Пиплз. Абон та уал Сочийы боксертæ сæхи сбарстой. Уый фæстæ сарæзтой иумæйаг пресс-конференци. Нæ богал кæны тренировкæтæ, цæттæйæ дары йæхи. Зæгъын ма хъæуы уый дæр, æмæ ныридæгæн Сочийы къух бакæнæн дæр нал ис. Бокс йæ зæрдæмæ кæмæн цæуы, уыдон иууылдæр ардæм раивылдысты. Се `хсæн Илаты Батрадз фæхæст Денис Лебедевыл дæр: «Райсом цы тох уыдзæн, уый, æнхъæл дæн, æмæ тагъд фæуыдзæн. Æрмæст тыхджындæр чи разындзæн, уый зын зæгъæн у нырма. Мах Муратмæ æрцыдыстæм ардæм, уæдæ кубæйагыл нæ зæрдæ дарæм?! Мæнмæ гæсгæ, Муратмæ фылдæр фæлтæрддзинад ис боксы, ДортИкосмæ мæ та нæй. Æгæр раджы æрбацыд профессионалон боксмæ. Фæлæ зæгъын хъæуы уый дæр, æмæ нæ дивизионы уый æппæты уæззаудæр цæф кæны. Цæмæдæр мæм афтæ кæсы, цыма Мурат уыцы гуыдырæн йæ дæгъæл ссардзæн. Кæд нæ, уæд та йæ басæтдзæн!» _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv