Уæ хъару бирæ уæд!

Абон Уæрæсейы бæрæг кæнынц ирвæзынгæнджыты бон. Профессионалон бæрæгбон сфидар кодтой 1995 азы. Æнæнхъæлæджы министрады кусджыты`хсæн сты: зынгхуыссынгæнджытæ, ирвæзынгæнджытæ, кинологтæ. апьпинисттæ, дохтыртæ, психологтæ æмæ летчиктæ. Æнæхъæлæджы уавæры чи бахауд, уыцы адæмæн æххуыс кæнынц канд Уæрæсейы нæ, фæлæ фæсарæнты дæр. Бæрæгбоны фæдыл кадджын мадзал сарæзтой Дзæуджыхъæуы афицерты хæдзары. Уазджыты`хсæн уыдысты нæ республикæйы æнæнхъæлæджы уавæрты министрады кусджытæ æмæ сæ бæрны цы кусæндæттæ ис, уыдоны минæвæрттæ. Мадзалмæ æрбацæуджытæ бакастысты Цæгат Ирыстоны министрады архайды тыххæй ист документалон кинонывмæ – «Спасать людей - наша профессия», зæгъгæ. Профессионалон бæрæгбоны фæдыл йæ дæлбар кусджытæн арфæйы ныхæстæ ракодта Цæгат Ирыстоны Æнæнхъæлæджы уавæрты министрады управленийы хицау Александр Хоружий. Куысты йæхи æнтыстджынæй чи равдыста, уыдоны схорзæхджын кодта кадджын хæрзиуджытæй. Зын сахат адæмы уæлхъус фыццаг чи æрбалæууы, уыцы хъæбатыртæн раарфæ кæнынмæ æрбацыдысты нæ республикæйы хицауад æмæ дины минæвæрттæ дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv