Кредитон истори дарыны `мгъуыд фæкъаддæр кæндзысты

Уæрæсейы Центрон Банк йæ хъус æрдардта нæ республикæйы Парламенты хъæппæрисмæ. Уый тыххæй фехъусын кодта агентад «Интерфакс». Уæ зæрдыл уын æрлæууын кæндзыстæм, Цæгатирыстойнаг депутаттæ Паддзахадон Думæмæ адæмы кредитон историтæ хъахъхъæныны `мгъуыд фæкъаддæр кæныны хъæппæрисимæ кæй бахатыдысты. Фæндыд сæ, цæмæй паддзахад уыдон йæ зæрдыл дара æрмæстдæр 3 азы. Центрон Банк æххæстæй семæ не сразы, фæлæ `мгъуыд уæддæр фæкъаддæр кодта. Кредитон историты бюройы сæ ныр дардзысты 10 азы нæ, фæлæ 7. Æмбæлгæ фыстæг Банк арвыста Паддзахадон Думæмæ. Ныртæккæ уал кусы фидаргонд закъонмæ ивддзинæдтæ бахæссыныл. Банчы куыд нымайынц, афтæмæй амынд ногдзинæдтæ уыдзысты, æгас дунейы кæмæй пайда кæнынц, уыцы домæнты халдих. Фæлæ кредитон историтæ бюройы æвæрæнты 3 азæй къаддæр дарыныл уæддæр нæ разы кæнынц. Уый, дам, банкты куыстыл хæрзмæ нæ фæбæрæг уыдзæн. Сæ бон, дам, фаг æххæстæй нæ бауыдзæн, кредит райсын кæй фæнды, уыцы адæймаджы миниуджытæ алывæрсыгæй раиртасын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv