Æрæфы районы прокуратурæ æркаст бындурон цалцæджы фæстæ цы скъолатæ байгом сты, уыдонмæ

Æрæфы районы прокуратурæ æркаст бындурон цалцæджы фæстæ цы скъолатæ байгом сты, уыдонмæ. Ивгъуыд азы августы Махческы скъолайы зынгсирвæзты ныхмæ æдасдзинады системæйы рабæрæг кодтой хъæндзинæдтæ. Ныр контролон æркасты фæстæ дæр сбæлвырд ис, иууылдæр сæ кæй нæ аиуварс кодтой, уый. Уый фæдыл прокурор бахатыд тæрхондонмæ. Афтæ ма æркастысты Хæзныдоны скъоламæ дæр. Хатдзæгтæм гæсгæ, ам дæр домæн балæвæрдтой тæрхондонмæ. Уæ зæрдыл уын æрлæууын кæндзыстæм, терроризмæй æмæ зынгсирвæзтытæй ахуыргæнæндæттæ бахъахъхъæныны фарстамæ республикæйы прокуратурæ æппынæдзух уæлдай æргом кæй здахы.