Лæмбынæг цæстдард

Паддзахадон Думæ райдыдта, пенсимæ `рвитыны `мгъуыд кæмæн æрхæццæ, уыдоны кар аивыны тыххæй закъоны проектыл кусын. Парламенты дæллаг палатæйы Совет бон раздæр æркаст æмбæлгæ гæххæттытæм. Ныр та сæ арвитдзысты регионтæм. Мæйы фæстæ закъоны проектæн уыдзæн фыццаг æркаст. Депутатты хъуыдымæ гæсгæ, закъон фæззæгæй раздæр не сфидар кæндзысты. Уæ зæрдыл уын æрлæууын кæндзыстæм, Уæрæсейы хицауад закъоны проект сфидар кодта 14-æм июны. Уымæ гæсгæ ныр сылгоймæгтæ пенсимæ цæудзысты 63, нæлгоймæгтæ та — 65-аздзыдæй. Пенсимæ цæуыны кар фæнд кæнынц къæпхæнгай бæрзонддæр кæнын. Фыццаг уыдзæн 2019 азы. Хицауады куыд æмбарын кæнынц, афтæмæй пенситы бæрц дæр хъуамæ сырæза. Вице-премьер Татьяна Голиковайы ныхæстæм гæсгæ, пенсимæ рацæуыны кар куы фæфылдæр уа, уæд пенсиисджыты æрвылазон æфтиæгтæ дæр 12 мин сомы бæрц фæфылдæр уыдзысты. Зæгъын ма хъæуы уый, æмæ пенсион кар фæбæрзонддæр кæнынмæ кæй хъавынц, уымæ иухуызон цæстæнгас нæй. Уæрæсейы цæрджыты хъуыдытæ сты фæйнæхуызон. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv