Абайты Васойы фæдонтæ

Ирон æвзаг æмæ литерæтурæйы боны агъоммæ республикæйы райдыдтой кадджын мадзæлттæ. Цæгат Ирыстоны социалон æмæ гуманитарон иртæстыты институты уыдысты «Абайты Васойы номыл 5-æм æркастытæ». Фыццаг цыппар æркасты арæзт уыдысты Цæгат Ирыстоны паддзахадон университеты. Ныр конференци фæуæрæхдæр. Уыд дзы нæ уацхæссæг æмæ байхъуыста цы фарстатыл дзы ныхас кодтой, уыдонмæ. Цæгат Ирыстоны Абайты Васойы номыл наукон-иртасæн институты ирон æвзаг æмæ литерæтурæйы бæрæгбоны агъоммæ ацыдысты «Абайты Васойы номыл 5 æркастытæ». Архайдтой дзы мадæлон æвзаг-мады ад кæмæн кæны, уыцы ахуыргæндæтæ, ахуыргæнджытæ. æхсæнадон архайджытæ. Конференци стыр æхсызгондзинад æрхаста канд æвзагиртасджытæн, историктæн, литературæзонынадыл чи кусы уыдонæн нæ, фæлæ æппæт ирон адæмæн.Абайты Васо 75 азы дæргъы удуæлдайæ фæкуыста æвзагзонынады фарстатыл. Æвзагзонынадмæ цы стыр æвæрæн бахаста, уый абарæн дæр ницæимæ ис. Уымæн æвдисæн йæ бирæ наукон куыстытæ. Ирон æвзаджы историкон-этимологион дзырдуат дæр нæм Васойы фæрцы фæзынд. Абоны мадзал æрбангом кодта цалдæр фæлтæры, фенæн дзы уыдис профессорты, наукон кусджыты, студентты æмæ зонадон куыст чи кæны, уыцы аспиранттæ. Зæгъын хъæуы уый æмæ дзы фенæн уыд Абайты Васойы раздæры студентты дæр. Цæ ныстуан дзы нæ ферох æмæ йын йæ хъуыддаг даррдæр хæццæ кæнынц. Алчидæр сæ йæ зæрдыл дары йæ ахуыргæнæджы. Фæнысан кæнын хъæуы уый, æмæ ацы æркастытæ раздæр уыдысты Цæгат Ирыстоны паддзахадон университеты хъæппæрисæй. Рæстæг цæуы æмæ фæндзæм конфереци ссис æппæтадæмон зонадон фембæлд. Ссыдысты йæм канд Уæрæсейы æмæ Украинæйы нæ, фæлæ Астæуккаг Азийы, суанг ма Америкæйы ахуыргæндтæ дæр.Æрдзырдтой лингвистикæйы, литературæзонады æмæ фольклористикæйы фарстатыл. Фылдæр æргом аздæхтой ирон æвзагмæ. Конференцийы архайджытæ æдæппæтæй уыдысты 40 адæймагæй фылдæр. Ахæм конференциты æххыуысæй æппæт дунейы ахуыргæндтæ кæрæдзийы сæ фæлтæрдзинадимæ æнæвгъауæй зонгæ кæнынц. Цы ног хъуыдытæ сæм фæзыны уыдоныл бакусынæн дæр æххуыс сты. Уæдæ æвзаг бахъахъхъæнынæн дæр тынг пайда вæййынц. Афæдзæй-афæдзмæ конференцийы архайджытæ фылдæр кæнынц. Йæ мадæлон æвзаджы рæзт æмæ бахъахъхъæнынмæ куыд фæндыйы цæстæй чи нæ кæсы, уыдон кæнынц фылдæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv