Эзмийы гидроэлектростанцæ, йæ хъомысмæ гæсгæ, Цæгат Ирыстоны у дыккаг. Ахсджиаг объект байгом 1954-æм азы æмæ уæдæй нырмæ кусы æнæрлæугæйæ. Ныртæккæ гидроэлектростанцæйы цæуы рацарæзт. Йæ фæстæ дзы, зæгъæн ис, æмæ алцыдæр уыдзæн ног. Эзмийы цур цы станцæ ис, уый лæууы Терчы донхауӕн къӕпхӕныл. Сарæзтой йæ 1933 азы, Уæрæсейы элекрификацийы паддзахадон къамисы пъланмæ гæсгæ. Йæ сæйраг нысан уыд — Октябры революцийы фæстæ Советон Цæдисы электроэнергетикон къабаз сæндидзын кæнын. Пъланмæ гæсгæ уал, фыццаджыдæр, Цæгат Ирыстоны самадтой Джызæлдоны гидроэлектростанцæ. Эзмийы гидроэлектростанцæ ног кæнын райдыдтой 2021 азы мартъийы. Байгом 1954 азы æмæ уæдæй нырмæ кусы æнæрлæугæйæ. 67 азмæ ам цæуы фыццаг егъау рацарæзт. Объекты кусы 100 адæймагæй фылдæр. Ивынц гидротехникон ифтонггæрзты æппæт объекттæ дæр. Деривацион зæхбынвæндаг дзуапп дæтты дон Терчы иувæрсты кæнынӕн, цæмæй йæ дарддæр канал, кæнæ дондзæуæн системæтыл ауадзой. Ам гидромеханикон æмæ электрон техникæ иууылдæр сног кæндзысты. Фæткдæттæн системæ нырыкконæй раивдзысты. Эксплуатацимæ сæ куы радтой, уæд, специалистты ныхасмæ гæсгæ, æппæт домæндæн дæр дзуапп дæтдзысты.