Мариинаг театры филиалы ацыдысты ирвæзынгæнæг-тактикон ахуыртæ

60 ирвæзынгæнæджы æмæ техникæйы 16 иуæджы. Æрхъуыдыгонд цаумæ гæсгæ Мариинаг театры филиалы æрцыд зынгсирвæзт. Арты ахæсты баисты дыккаг æмæ ӕртыккаг уæладзгуытæ. Специалисттæ æдас ранмæ ракодтой сæдæгай адæм. Æрымысгæ цаумæ гæсгæ Мариинаг театры филиалы концертон залы æрцыд зынгсирвæзт. Дыккæгæм уæладзыджы судзы сценæ. Æдас ранмæ æнæ катайæ рацыдысты 370 адæймаджы. Семæ райстой æрмæст æнæмæнг хъæугæ дзауматæ. Документтæ, æхца, телефонтæ. Цалдæр минуты фæстæ зынгхуыссынгæнджытæ уыдысты бынаты. Уæллаг уæладзгуытæ фæздæгæй байдзаг сты. Нæлгоймаг æвæстиаты дзæнгæрæг нæ фехъуыста. Афоныл æдас ранмæ нæ рацыд. Ирвæзынгæнджытæ уайтагъд йæ фарсмæ балæууыдысты, асины æххуысæй йæ бынмæ æрхизын кодтой. Бынаты ма сардтой дыккаг кусæджы дæр. Чызгыл скодтой сæрмагонд респиратор, цæмæй сыгъдхъæстæ ма фæуа. Ирвæзынгæнджытæ йæ ракодтой медицинон кусджыты онг. Ахæм уавæры алы уысм дæр зынаргъ у. Мæнг зынгсирвæзты фæзуат гыццыл нæу - 75 квадратон метры. Ирвæзынгæнджытæ бакуыстой эвакуацийы балцвæдтыл, фæнысан кодтой зынгхуыссæн гарзтæ куыд æмæ цы хуызы дæтдзсты, уый. Уыимæ ма театры администрациимæ æмгуыстад. Театры кусдждытæ æвæстиаты уавæрмæ хорз цæттæгонд сты. Æппæт аиппытæ ирвæзынгæнджытæ иртæстой бынаты. Ахæм сæрмагонд ахуыртæ æнæнхъæлæджы уавæрты министрады кусджытæ аразынц мæй иу хатт.