Пъæлицæйы кусджытæ æрцахстой, наркотиктæ чи парахат кодта, уыцы фыдгæнæджы

Цæгат Ирыстоны пъæлицæйæгтæ сбæрæг кодтой, пайда кæныны бар кæмæй нæй, ахæм хос «Метадон» чи парахат кодта, уыцы фыдгæнæджы. Мидхъуыддæгты министрады пресс-службæ куыд хъусын кæны, афтæмæй уый разынд 53-аздзыд Мичуринæйы цæрæг. Фыдгæнæджы хæдтулгæ урæд æрцыд федералон шоса фæндагыл, республикæмæ хæстæг. Нæлгоймаг сцæйздæхт Санкт-Петербургæй. Рагагъоммæ хъусынгæнинагмæ гæсгæ наркотик дæр уым самал кодта. Фæстæдæр æй хъавыд нæ республикæйы апарахат кæнын. Сгарæн-агурæн мадзалы руаджы йæм пъæлицæйы кусджытæ ссардтой дыууæ тыхтоны. Уыдоны мидæг, экспертты хатдзæгтæм гæсгæ, уыд пайда кæныны бар кæмæй нæй, ахæм хос. Æдæппæтæй дзы уыд 400 хаттæн тыхтонтæ. Наркотиктимæ баст цау ма раргом кодтой Дзæуджыхъæуы уынгтæй иуы. Фыдгæнæг разынд, раздæр ма ахæм хъуыддæгты фæдыл ахæстоны чи бадт, ахæм 46-аздзыд нæлгоймаг. Уый апарахат кæнын фæндыд, пайда кæнæн кæмæй нæй, ахæм хос «Метилэфедрон». Фыдгæнæг йæ аххосыл басаст. Ныртæккæ ацы цауты фæдыл байгом кодтой уголовон хъуыддæгтæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv