Республикон клиникон рынчындонæн радих кæндзысты томограф

Республикон клиникон рынчындонæн радих кæндзысты томограф. Уый къухы бафтдзæнис «Здавоохранение», зæгъгæ, национ проекты фæлгæты. Уый руаджы ма Цæгат Ирыстоны дзæбæхгæнæндæтты сифтонг кæндзысты нырыккон домæнтæн дзуапп чи дæтдзæн, ахæм кусæнгæрзтæй. Уый тыххæй фехъусын кодта республикæйы æнæниздзинад хъахъæныны министр Годжыцаты Тамерлан. Ахæм домæнтимæ томогроф республикæйы нæй. Йе `руаджы аразæн уыдзæн ног хуызы иртæстытæ. Томогроф рынчындомæ фæхæццæ кæндзысты августы кæрон. Ныртæккæ йын цæттæ кæнынц бæстыхай. Уыимæ ма ног томогроф фæзындзæн республикон онкологон диспансЕры дæр. Цыппар дзæбæхгæнæндоны райсдзысты ног рентгены апараттæ. Сентябры райдиан фæзындзысты Дзæуджыхъæуы, Мæздæджы æмæ Рахизфарсы районы сывæллæтты поликлиникæты. «Здавоохранение», зæгъгæ, национ проекты фæлгæты 2024 азмæ дохтырты нымæц дзæбæхгæнæндæтты фæфылдæр уыдзæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv